Rusia tërhiqet nga pakti për shmangien e incidenteve ajrore në Siri
07/04/2017 08:20
Poloni, fermerët bllokojë kalimin kufitar me Ukrainën 24/11 08:48
Rusia heshti në fillim, por përgjigjja e Moskës ndaj sulmit amerikan në Siri ishte e hidhur: ajo vendosi të tërhiqet nga marrëveshja që minimizon incidentet e fluturimit mes avionëve amerikanë dhe atyre rusë në hapësirën ajrore siriane.
Në deklaratën e Ministrisë së Jashtme ruse kërkohet dhe një takim urgjent i Këshillit të Sigurimit të OKB-së, ku të diskutohet mbi situatën e krijuar. Sergei Lavrov, megjithatë, tha se shpreson që episodi i fundit të mos i dëmtojë në mënyrë të pariparueshme marrëdhëniet me Amerikën.
Presidenti i Këshillit Europian, Donald Tusk konsideron se ndërhyrja amerikane tregoi që lipset një zgjidhje ndaj sulmeve kimike. BE-ja, tha ai përmes një mesazhi në Twitter, do të bashkëpunojë me Amerikën për t’i dhënë fund brutalitetit në Siri.
Top Channel
