![](https://top-channel.tv/wp-content/uploads/2024/06/4545454545454545-442x249.jpg)
Më shumë se 3.000 banorë në zonën e Dropullit të Poshtëm vuajnë mungesën e vazhdueshme të energjisë elektrike për shkak të defekteve në rrjetin shpërndarës.
Banorët e një lagjeje në Sofratikë thonë se rryma e pastabilizuar u ka dëmtuar paisjet elektro-shtëpiake.
“Një mbrëmje isha vetëm në shtëpi kur dëgjova një shpërthim nga shtëpia e djalit. Dola jashtë dhe pashë tym që dilte nga dritaret. Jam e moshuar, nuk kontrolloja dot. I dërgova lajm djalit, ai erdhi nga Athina. I ishin djegur të gjitha, televizori, frigoriferi, stabilizatori”, thotë një banore e moshuar.
Kreu i njësisë administrative thotë se puonjësit e OSSHE-së kanë punuar shumë për riparimin e defekteve, por investimet në rrjetin shpërndarës mungojnë që prej vitit 1960.
“Ngarkesa ka çdo ditë, janë djegur frigoriferë e televizorë. Situata është e rëndë”, thotë Lefter Nasto.
Bizneset e zonës detyrohen të dyfishojnë kostot në rastet e ndërprejes së energjisë elektrike për të vënë në punë gjeneratorët.
Top Channel