Gjatë kontrollit të ushtruar në një magazinë të vjetër në Mamurras, në pronësi të shtetasit Gjelosh Vuksani dhe që ishte marrë me qira nga shtetasi L.M. u gjetën dhe u asgjësuan me anë të djegies 1450 kg kanabis sativa në proces përpunimi dhe tharjeje.
Gjithashtu u gjetën dhe u sekuestruan në cilësinë e provës materiale 1 pushkë, 1granatë dore, 1 automatik, fishekë, ventilatorë për përpunim droge, dylbi, kamera vëzhgimi si dhe mjete të tjera elektronike në funksion të procesit të tharjes së bimëve narkotike.
Janë kapur dhe arrestuar në flagrancë 6 shtetas, të gjithë banues në Mamurras:
– Gentian Pepmarku, 20 vjeç
– Artan Sallaku, 35 vjeç
– Kejvin Tuga, 18 vjeç
– Edmir Diva, 28 vjeç
– Osman Morina , 67 vjeç
– Gjelosh Vuksani , 53 vjeç
Është shpallur në kërkim dhe po punohet për kapjen e shtetasit L.M. 34 vjeç, banues në Mamurras.
Top Channel
