Jetimët kërkojnë strehim
03/10/2016 00:00
Bullizmi, problem në shkolla! Ekspertët bëjnë apel: Të rritet numri i psikologëve për të menaxhuar si duhet rastet 25/05 12:28
23 familje në të cilat kryefamiljari ka statusin e jetimit dhe që prej vitesh janë strehuar në konviktet e shkollës së Mesme Hoteleri-Turizëm, duhet t’i lënë këto ambiente brenda datës 20 tetor.
Këto familje janë vizituar nga Avokati i Popullit dhe përfqësues të shoqërise civile, të cilët thonë se po monitorojnë procesin e largimit, pasi për ta duhet ofruar më parë zgjidhje për strehim .
“Është legjitime që shkolla të rikonstruktohet dhe të shndërrohet në funksionin e saj primar dhe ju të jetoni në kushte të tjera, por asnjë dëbim nuk duhet bërë pa u zbatuar kriteret dhe standardet ndërkombëtare në rastin e dëbimeve. Aktorët duhet të gjejnë zgjidhje dhe të zbatojnë procedurat ligjore përkatëse dhe standardet ndërkombëtare, që këtu çdo lëvizje e qyterarëve të kryhet duke siguruar më përpara një strehim të përshtatshëm dhe dinjitoz”, u shpreh Avokati i Popullit.
Burime nga Bashkia Tiranës thonë se 23 familjet që do të largohen nga ambientet e konviktit do të trajtohen me bonus qiraje deri sa emrat e tyre të përfshihen në listat e përfituesve të banesave sociale.
Top Channel
