Akuzat, Policia: PD t’i drejtohet prokurorisë
10/08/2016 00:00
Shkrumbohet nga flakët makina në Pogradec, dyshohet për zjarrvënie të qëllimshme 28/12 14:46
Policia ka përsëritur thirrjet drejtuar Partisë Demokratike që t’i drejtohet Prokurorisë për çdo pretendim që ka ndaj punës së uniformave blu.
“Për të disatën herë, nga foltorja e subjektit politik Partia Demokratike opinioni ndjek të njëjtat sulme kundër Policisë dhe drejtuesve të saj. Përgjigja mbetet e njëjtë: për çdo akuzë dhe fakt të pretenduar, t’i drejtohet Prokurorisë”, thuhet në deklaratën e Policisë.
Policia thotë se nuk ka asnjë tërheqje në luftën kundër paligjshmërisë.
“ Kjo është e vetmja rrugë për të ndërtuar shtetin e së drejtës, ku politika t’i përmbahet ligjit e institucionet të bëjnë detyrën pa presion politik”, thuhet në reagimin e Policisë.
Reagimi i Policisë u bë pas deklaratës së nënkryetarit të Partisë Demokratike, Edi Paloka i cili tha se denoncimet e PD për inkriminimin e policisë bazohen në informacione, sipas tij, të marra nga shërbimet partnere.
Top Channel
