Gjyqi me Bashën, togat e zeza pranojnë kërkesën e Beqajt
11/04/2016 10:55
Dhunohet në burgun e Reçit Sokol Sanxhaktari, ofendoi gardianët dhe Safet Bajrin 20/12 22:59
Ka rinisur këtë të hënë procesi gjyqësor mes ministrit të Shëndetësisë Ilir Beqaj dhe kryetarit të PD, Lulzim Basha.
Në fillim të seancës, gjykata ka pranuar shqyrtimin e materialeve të paraqitura nga ministri dhe avokati i tij.
Kështu, avokati i zotit Beqaj u ka dorëzuar togave të zeza një CD me deklaratat e kryetarit të opozitës dhe disa gazetave.
“Nuk kam asgjë personale me Bashën, por si kryetar i Partisë Demokratike po keqpërdor fjalën e lirë”, ka thënë Beqaj.
Ndërsa avokati i Bashës në këtë proces ka paraqitur disa deklarata të Partisë Demokartike ndaj ministrit Beqaj dhe shkresat nga kanë shkas për këtë deklarata.
Seanca u shty për t’i dhënë mundësi gjykatës të marrë pajisjet për të parë dhe dëgjuar në sallë deklaratën e Bashës ndaj ministrit të Shëndetësisë.
Top Channel
