Pas sulmeve në Bruksel që shënjestruar aeroportin ndërkombëtar të qyteit dhe një stacion metroje, masat e sigurisë janë shtuar ndjeshëm në qendrat e transportit në Belgjikë, por edhe në të gjithë Europën.
Aeroporti i dytë më i madh që i shërben kryeqytetit belg është Charleroi, që gjendet 55km në jug të qytetit.
Ushtria dhe policia janë të pranishme aty gjatë gjithë kohës dhe kontrollojnë njerëzit e makinat që para se të hyjnë në zonën e aeroportit, qofshin pasagjerë apo jo. Aeroporti Charleroi po pranon 90 fluturime në ditë, 20 më shumë se zkonisht për të kompensuar disi probelet nga aeroporti Zaventem, i cili po punon me një të pestën e kapacitetit.
Në stacionin e Eurostarit në Bruksel, aty ku mbërrijnë trenat nga Londra dhe Parisi, forcat e sigurisë kanë shtuar kontrollet e rastësishme të njerëzve e bagazheve. Ndërkohë, në Francë, autoritetet kanë dislukuar të paktën 3 000 oficerë policie civilë dhe të armatosur në trenat e vendit për të parandaluar sulme të tjera.
Në Bruksel, 39 nga 69 stacionet e metrosë mbeten të mbyllura pas sulmeve të 22 marsit, pasi ka mungesë personeli sigurie për t’i mbikqyrur. Ekspertët thonë se uniformat në rrugë janë të rëndësishme sepse i japin njerëzve një ndjesi sigurie, por puna e vërtetë kundër terrorizmit bëhet nga agjesitë e sigurisë dhe përsa i takon bashkëpunimit të tyre, mund të bëhet shumë debat.
Më herët kryeministri belg, Charles Michel tha se shkmëbimi i informacionevë të inteligjencës duhet të jetë prioritet mes vendeve të BE, duke lënë të kuptohet se deri tani kjo nuk ka ndodhur. Gjithnjë e më shumë fraksione politike në Europë po kërkojnë mbikqyrje më të rreptë të çdo pasagjeri që hyn apo del nga Europa për të gjurmuar të dyshuarit për terrorizëm.
Top Channel
