Një 66-vjeçar u arrestua nga policia e Tropojës pas denoncimit të një 17-vjeçarje, të cilën kërkoi ta rrëmbente për martesë.
Azem Trezhnjeva, banues në fshatin Buçaj u prangos pasi nën kërcënimin e armës ka dashur të detyrojë 17-vjeçaren me inicialet R.B., që të lidhë martesë me të.
Pas marrjes së denoncimit nga ana e së miturës, forcat e policisë kanë arrestuar autorin në banesën e tij.
Gjatë kontrolleve të ushtruara në banesën e 66-vjeçarit, u gjetën në cilësinë e provave materiale arma tip “Zastava” dhe dy krëhëra me fishekë.
Materialet i kaluan Prokurorisë së Tropojës me akuzën e kanosjes, armëmbajtjes pa leje dhe shtrëngim për të lidhur martesë.
Top Channel
