Shkodër, zhvat para dhe dokumente; arrestohet 31-vjeçari
09/03/2016 09:10
Debate në KLP, Tiranës dhe Elbasanit i mungojnë 51 prokurorë
18/07 21:17
Forcat e Policisë së Shkodrës kanë arrestuar në orët e fundit një 31-vjeçar për ushtrim dhune dhe zhvatje të sendeve personale ndaj një personi tjetër.
Sipas një njoftimi për shtyp, në pranga ka rënë shtetasi Ergys Piraniqi, i cili pasi ka ushtruar dhunë fizike ndaj një personi tjetër i ka marrë atij një shumë parash prej 300 eurosh dhe 60 mijë lekësh të vjetra, pasaportën biometrike, kartën e identitetit dhe një aparat celular.
Arrestimi i 31-vjeçarit Piraniqi është kryer në lagjen “Vasil Shanto” të qytetit verior dhe në cilësinë e provës materiale atij janë sekuestruar aparati celular i markës “Sony”, që i përket viktimës së agresionit, dokumentat personale në emër të shtetasit me iniciale E.S, si dhe disa kartmonedha.
Materialet i kanë kaluar prokurorisë së rrethit për procedim të mëtejshëm.
Top Channel
