Të zgjohesh me Vladimir Putin

Çdo muaj shoqërohet me një pozë të ndryshme të Presidentit Putin, por edhe me një thënie personale të tij.

Kalendari i përngjan një kameleoni pasi çdo muaj, 62 vjeçari shfaqet krejtësisht ndryshe, diku shumë serioz me veshje zyrtare e diku duke bërë palestër.

“Asnjë nuk do t’ja dalë të ketë një ushtri me superiore sesa Rusia”, thotë Putin. E ndërsa në një tjetër shprehje ai tregon për lidhjen e fortë që ka me qentë.
Kjo nuk është hera e parë që shefi i Kremlinit kthehet në një objekt marketingu, madje edhe shumë të suksesshëm.

Provë për këtë shërben parfumi  që mban emrin “Liderët numër 1”, ku esenca e tij sipas krijuesve është frymëzuar tërësisht nga Vladimir Putin. E ëmbël por njëkohësisht shumë e fortë, thonë ata. Çmimi i parfumit është vetëm 57 paund.

Duket se rusët e kanë kthyer në kult figurën e Vladimir Putin. Portreti i tij gjendet shpesh i stampuar nëpër bluza, aksesorë apo suvenire. Gjithashtu veprimet e tij përmenden edhe nëpër tekste këngësh, kryesisht të muzikës rap.

Krahas Putinit, në tregun rus po ashtu mund të gjesh edhe kalendarë që kanë në qendër pikërisht diktatorin e Bashkimit Sovjetik, Josef Stalin.

Top Channel