Galaxy S6 Edge shpallet “Pajisja e vitit”
28/11/2015 00:00
WhatsApp zbulon një version të rremë të krijuar nga një kompani italiane, 200 përdorues të spiunuar 01/04 17:14
Samsung ka triumfuar edhe njëherë përballë Apple. Telefoni Galaxy S6 Edge ka rrëmbyer çmimin “Pajisja e vitit” në “Pocket-lint Awards” që mbahet në Londër.
Megjithatë, Apple nuk mbeti pa çmim në këtë mbrëmje, pasi në kategorinë “Tableti më i mirë” u zgjodh pajisja e kompanisë amerikane iPad mini 4, duke triumfuar përballë Microsfot Surface 3.
Po ashtu, orët smart të Apple kanë arritur të shpallen si pajisjet më e mirë në shumë funksione, duke bërë që kompania amerikane të largohet me dy çmime të rëndësishme.
Në kategorinë “Laptopi më i mirë” ka trumfuar Dell me XPS 13, duke lënë të dytën Apple me Macebook. Ndërkohë, që në kategorinë e lodrave smart Sphere është shpallur më e mira me Star Wars BB-8.
“Ndikimi i Apple në këtë industri vazhdon të ndjeheet duke fituar dy çmimet kryesore dhe duke qenë e dyta në dy kategori të tjera”, deklaroi Stuart Milej, shef ekzekutiv i “Pocket-lint”.
Top Channel
