DASH: 5 mln dollarë për kreun e logjistikës së ISIS
19/11/2015 00:30
Ambasadori izraelit: Marrëveshja për armëpushim me Hezbollahun mund të arrihet brenda ditësh 25/11 11:54
Departamenti Amerikan i Shtetit, përmes një njoftimi zyrtar ka vendosur një shpërblim prej 5 milionë dollarësh për cilindo që jep informacion për vendndodhjen apo identifikimin e Tirad al-Jarba, i njohur ndryshe dhe si Abu-Muhammad al-Shimali, një ndër drejtuesit kryesor të Shtetit Islamik.
Sipas njoftimit të Departamentit të Shtetit, Al-Shimali shërben si kreu i Komitetit të Emigracionit dhe Logjistikës në ISIS dhe është përgjegjës për lehtësimin e udhëtimit të atyre personave që duan t’i bashkohen ISIS-it, duke mundësuar udhëtimin e tyre.
Ai është përgjegjës dhe për financimin e udhëtimeve dhe menaxhimin e qendrës së rekrutimit në qytetin Azaz të Sirisë.
“Fushëbetejat në Irak dhe Siri, i mundësojnë luftëtarëve të huaj të trajnohen me armë dhe eksploziv si dhe i krijon aksesin për të krijuar lidhje për të planifikuar sulme në vendet e Perëndimit”, thuhet në njoftimin e Departamentit Amerikan të Shtetit.
Top Channel
