SHBA tërheq trupat nga Jemeni
21/03/2015 00:00
Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Shtetet e Bashkuara po tërheqin një forcë prej 100 trupash prej Jemenit, përfshirë këtu edhe një grup force elitë të bazës ajrore Anad, në qytetin jugor al-Houta.
Kjo lëvizje vlerësohet si një tjetër tregues i rritjes së pasigurisë në Jemen. Javën e kaluar, militantët e al-Kaedas sulmuan qytetin al-Houta, por më vonë u zbrapsën nga një ofensivë e ushtrisë jemenase.
Lajmi i tërheqjes së trupave amerikane u përhap prej mediave jemenase. Uashingtoni vetë nuk ka komentuar mbi këtë fakt.
Vendimi i Pentagonit mbërrin një ditë pas një seria sulmesh kamikaze në kryeqytetin Sana, ku gjetën vdekjen 137 persona dhe mbi 340 të tjera u plagosën.
ISIS mori përsipër autorësinë e sulmit, por SHBA ngre dyshime. Një zyrtar në Uashington deklaroi se po hetohet nëse dega e ISIS-it në Jemen ka kapacitetet për të ndërmarrë sulme të përmasave të tilla.
Top Channel
