OSHEE, aksion ndaj debitorëve të energjisë në Dibër
04/03/2015 00:00
Shkrumbohet makina dhe motori në Kaninë të Vlorës, dyshohet për zjarrvënie të qëllimshme 26/11 09:08
Agjencia e OSHEE-së në Qarkun e Dibrës, pas mbarimit të afatit të fundit
të shlyrjes së faturave, prej dy ditësh ka vijuar aksionin e
ndërprerjes së energjisë.
Burime nga OSHEE-ja konfirmojnë, se gjatë këtyre ditëve ka vijuar me intensitet prerja e energjisë për abonentët debitorë, sidomos në komunën Ostren, në rrethin e Bulqizës, ku grupi i punës i OSHEE-së, i mbështetur dhe nga forcat e rendit, u ka ndërprerë energjinë 108 abonentëve debitorë.
Ndërprerje të energjisë ka pasur edhe në Peshkopi dhe Burrel për abonentët debitorë. Burime nga OSHEE bënë të ditur se, në të gjithe Qarkun e Dibrës janë ngritur grupe pune për ndërprerje të energjisë për abonentët debitorë, ku në secilin prej këtyre grupeve është prezente edhe Policia e Shtetit.
Ndërkohë, po sipas burimeve nga Agjencia Rajonale e OSHEE-së, mësohet se aktualisht aksioni për shlyerjen e detyrimeve dhe ndërprerja e energjisë vijon me intensitet të lartë, nisur kjo nga fakti se 31 marsi ishte afati i fundit për shlyerjen e detyrimeve dhe lidhjen e kontratave.
Top Channel
Shkrumbohet makina dhe motori në Kaninë të Vlorës, dyshohet për zjarrvënie të qëllimshme 
