Shefi i ri i NATO-s viziton Afganistanin
06/11/2014 00:00
Zgjedhjet në Japoni, analiza e DW: Kthim në kohë të paqëndrueshme! 29/10 22:47
Shefi i ri i NATO-s, Jens Stoltenberg mbërriti të enjten në Afganistan, udhëtimi i parë i tij në vendin e trazuar që prej marrjes së postit muajin e kaluar.
Ish-kryeministri norvegjez vizitoi një qendër stërvitore të forcave afgane të sigurisë, ku mbajti edhe një fjalim.
Stoltenberg ritheksoi edhe një herë angazhimin e NATO-s për trajnimin dhe këshillimin e forcave lokale pasi trupat e Aleancës ushtarake të terhiqen në fund të këtij viti nga Afganistani.
Ndërkohë, rreth 12.500 ushtarë, shumica amerikanë, do të qëndrojnë gjithësesi në vend me mision trajnues.
“Sekretari i përgjithshëm do të takohet me presidentin Ashraf Ghani dhe kryeoficerin ekzekutiv Abdullah Abdullah për të diskutuar bashkëpunimin NATO-Afganistan”, thuhet në një deklaratë nga selia e Aleancës në Bruksel.
Top Channel
