Abuzoi seksualisht me mbesën e mitur, dënohet pedofili
29/10/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Gjykata e Elbasanit ka dënuar me 35 vjet heqje lirie E.E., i cili
akuzohet se ka përdhunuar mbesën e tij 13 – vjeçare. Sipas prokurorisë,
gjykimi është zhvilluar me procedurë të shkurtuar dhe, në bazë të
ligjit, të pandehurit i ulet 1/3 e dënimit.
Megjithatë, gjykata ka vendosur që, i pandehuri, gjatë gjithë kohës së vuajtjes së dënimit, të mos përfitojë asnjë nga lehtësirat që parashikon ligji (leje, ulje dënimi, etj.)
Gjykata ka pranuar pretencën e dhënë nga prokuroria e cila kishte kërkuar 35 vjet burg për 35 vjeçarin, i cili akuzohet për veprën penale të “marrëdhënieve seksuale me të mitur”, në dëm të një familjareje të afërt të tij, 13 vjeç në momentin e kryerjes së krimit.
Ngjarja e rëndë ka ndodhur rreth një vit më parë në Selanik, dhe është denoncuar nga prindërit e 13-vjeçares të cilët në momentin e ngjarjes ndodheshin në Shqipëri dhe e kishin lënë vajzën me të afërmin e tyre, E.E., i cili ka përfituar nga ky fakt për të abuzuar seksualisht me të.
Top Channel
