Izraeli paralajmëron palestinezët

Ky i fundit, që të martën shënoi vdekjen e parë të konfliktit disaditor, pretendon se në mësymjen e mbrëmjes ka vrarë disa militantë të lartë të lëvizjes islamike. Bilanci i jetëve të humbura në radhët e palestinezëve tani shënon 204, përfshirë edhe një foshnje 5-muajshe.
 
Izraeli e nisi operacionin e tij në 8 qershor me qëllimin, siç thotë, t’i jepte fund sulmeve me raketa të militantëve palestinezë. Kombet e Bashkuara nënvizojnë megjithatë se shumica e të vrarëve në Gaza janë civilë. 24 orë nga fashitja e përpjekjes së parë për armëpushim, përplasjet mes Izraelit dhe Hamasit kanë nisur të rimarrin tiparet e vjetra. Shteti hebre pretendon se paralajmërimet e tij synojnë shmangien e vdekjeve mes civilëve, por ato pritet të shkaktojnë edhe më shumë frikë, zemërim e paqartësi në Gaza, ku njerëzit ndjejnë se nuk ka më asnjë vend të sigurtë për ta.

Kryeministri izraelit, Benjamin Netaniahu, përballet me një dilemë të madhe. Anëtarët e krahut të djathtë në kabinetin e tij kërkojnë ofensivë tokësore dhe ai nuk e dëshiron një dobësim të pozitave në politikën e brendshme. Por, me lëvizjet e veta rrezikon shumë. Luftimet në terren mund të shkaktojnë humbje të mëdha, të armiqësojnë aleatët e ta zënë në kurthin e një fushate të gjatë pa një strategji të qartë daljeje prej kësaj situate.

Top Channel