Kosovë, vijon regjistrimi i deputetëve
11/07/2014 00:00
Shpërthim gjatë natës në qendër të Zveçanit, policia e Kosovës jep detaje 29/09 09:19
Në Prishtine vijon regjistrimi i deputetëve të legjislatures së re të Kuvendit të Kosovës, e dalë nga zgjedhjet e 8 qershorit. Sot ka qenë radha e lëvizjes Vetëvendosje dhe Nismës për Kosovën.
Pas regjistrimit, kryetari i Nismës, Fatmir Limaj tha se blloku opozitar është duke zhvilluar bisedime konstruktive me lëvizjen Vetëvendosje dhe se, sipas tij, ekipet e ekspertëve nga katër subjektet politike janë duke diskutuar për të përafruar pikat e programeve të tyre partiake.
Ndërsa sa i përket kërkesës së VV-së, që përgjigja t’i kthehet deri ditën e diel, Limaj e ka quajtur këtë si shumë normale, duke mos e vlerësuar si një ultimatum të dhënë nga ky subjekt politik.
Ndërsa lideri i VV, Albin Kurti theksoi se deri të dielën koalicioni LDK-AAK-Nisma duhet të përgjigjet nëse do t’i plotësojnë dy kriteret themelore të Vetëvendosjes në mënyrë që anëtarësia e saj të vendosë nëse do të jetë pjesë e koalicionit qeverisës dhe ose të mbështesë koalicionin.
Top Channel
