Ndalohet në kufi “zyrtari serb për Kosovën”
26/06/2014 00:00
Shpërthim gjatë natës në qendër të Zveçanit, policia e Kosovës jep detaje 29/09 09:19
Serbia e konsideron shkelje të marrëveshjes së Brukselit, ndalimin e hyrjes në Kosovë të zyrtarit për lidhje të qeverisë serbe në Prishtinë, Dejan Paviçeviç.
Ai është kthyer në pikëkalimin kufitar Merdarë, për shkak se, siç është thënë, nuk kishte dokumentet e duhura për t’u futur në Kosovë.
Paviçeviç ka thënë se kjo nuk i ka ndodhur asnjëherë dhe se apelon te Bashkimi Evropian, që ta zgjidhë këtë problem, në mënyrë që puna e tij të vazhdojë.
Shkëmbimi i zyrtarëve, përkatësisht diplomatëve, ka ndodhur pas marrëveshjes së Brukselit për hapjen e zyrave të Kosovës, në Beograd, dhe të Serbisë, në Prishtinë.
Zyrtarët e të dyja vendeve funksionojnë në kuadër të zyrave të Bashkimit Evropian, në dy kryeqytetet.
Qeveria e Serbisë u alarmua dhe, në një njoftim, u kërkua mbajtja e përgjegjësisë nga të gjitha palët.
Top Channel
