Berlini “ndan” postet e Europës

“Deutsche Welle” njofton se kancelarja Angela Merkel nuk pret votë unanime, kur kryetarët e shteteve dhe të qeverive të Evropës të mblidhen javën e ardhshme në Bruksel dhe të propozojnë Juncker si presidentin e ri të KE-së. Kreu i ekzekutiviti britanik, David Cameron, me siguri nuk do ta ndryshojë më mendimin e tij, tha kancelarja në Berlin.

Cameron e kundërshton emërimin e Juncker, sepse nën drejtimin e tij ai druhet për ndërhyrje më të forta të Brukselit në çështje nacionale. Prandaj Londra kërcënoi madje me një dalje të Britanisë së Madhe nga komuniteti i 28 shteteve.

Por kancelaren Merkel ky kërcënim nuk e frikëson më. Javët e fundit ajo u përpoq disa herë më kot t’ia ndryshonte mendjen kryeministrit britanik dhe tani e bën të qartë se në Bruksel nuk pret vendim unanim.

Merkel konfirmoi njëkohësisht atë që kishte thënë më parë në një takim me kryeministren daneze, Helle Thorning-Schmidt: ajo është e gatshme që t’i përgjigjet Britanisë së Madhe në çështje të tjera.

Ekziston dëshira që të punohet në frymë europiane dhe do të dëgjohet zëri i Londrës, veçanërisht kur të bëhet fjalë për programin e punës së Komisionit të BE-së.

Për dy vendime të tjera personeli është rënë ndërkohë dakord midis partive unioniste dhe social-demokratëve në Bundestagun gjerman.

Kështu, SPD lëshon pe në përplasjen për komisionerin e ardhshëm gjerman të BE-së dhe nuk ngul më këmbë për emërimin e Martin Schulz, nese ai zgjidhet president i Parlamentit Europian. Emërimi i komisionerëve të bllokut konsiderohet përgjithësisht një çështje kombëtare.

Top Channel