Kenia, tjetër masakër e islamikëve

Lajmin e kanë bërë të ditur autoritetet lokale, të cilat kanë thënë se persona të armatosur bastisën një fshat gjatë natës.

Grupi somalez Al Shabab ka marrë përsipër autorësinë e sulmit, duke deklaruar për agjencinë e lajmeve “Reuters” se “operacioni i tij në Kenia do të vazhdojë”.

Të paktën 48 persona mbetën të vrarë pasi grupi i lidhur me Al Kaedën sulmoi hotelet dhe një komisariat policie në qytet ditën e diel.

Al Shabab deklaroi se kjo masakër ishte një hakmarrje ndaj pranisë së trupave keniane në Somali dhe për vrasjen e myslimanëve. Kenia dërgoi trupa në Somali në vitin 2011 për të ndihmuar qeverinë e atjeshme në luftën kundër militantëve.

“Ne sulmuan fshatrat përreth qytetit Mpeketoni natën e kaluar”, deklaroi zëdhënësi i rebelëve, Sheikh Abdiasis Abu Musab për “Reuters” ditën e martë.

Më vonë ai u citua edhe nga agjencia franceze “AFP” të thoshte se militantët kanë shkuar në disa zona në kërkim të personelit ushtarak dhe se shumica e të vrarëve ishin oficerë policie dhe rojtarë të botës së egër.

Mpeketoni ndodhet në afërsi të ishullit Lamu, një resort turistik i mirënjohur, por qyteti vetë nuk është një destinacion turistik.

Top Channel