Vendet në zhvillim, bie rritja

Nëse profetizimi i saj rezulton i vërtetë, atëherë ky do të jetë viti i tretë radhazi për këtë grup vendesh ku rritja është nën nivelin e 5 përqindëshit.

Banka mendon se vendeve në zhvillim u nevojiten reforma të qenësishme ekonomike për të promovuar rritjen, edhe pse raporti i saj parasheh një përshpejtim të saj në 2015-n.

“Zhgënjyese” është fjala e përdorur prej institucionit ndërkombëtar lidhur me performancën e sivjetshme ekonomike.

Presidenti i organizatës, Jim Yong Kim i cilësoi të tilla ritme rritje si “tepër modeste për të krijuar vendet e punës që i nevojiten përmirësimit të jetesës së 40 përqindëshit më të varfër”.

Raporti nuk është megjithatë krejtësisht i zhveshur nga elementët optimistë. Projeksionet në ulje reflektojnë edhe impaktin e krizës së Ukrainës, motit të keq në Shtetet e Bashkuara apo edhe faktorë të tjerë.

Disa prej tyre janë të përkohshëm, ndaj Banka pret një rritje rekord prej 5,5% vitin e ardhshëm dhe në 2016-n, që për të është gjerësisht në linjë me potencialin e vendeve në fjalë, çka do të thotë me ritmin e rritjes që mund të ruajnë për një periudhë më afatgjatë.

Në këtë drejtim, në ndihmë do t’u vijë edhe rritja e fuqishme ekonomike nga shumë vende të pasura, sidomos Shtetet e Bashkuara të Amerikës dhe zona e euros.

Top Channel