Spanjë, protesta kundër Monarkisë
08/06/2014 00:00
Vala e të nxehtit ‘përvëlon’ Greqinë, në dy qytete temperaturat arrijnë në 45 gradë celsius 22/07 16:28
Mijëra protestues kundër-Monarkisë u mblodhën në Madrid, kryeqytetin e Spanjës, dhe kërkuan zhvillimin e një referendumi për të zgjedhur mes Monarkisë dhe Republikës.
Pasi Mbreti Juan Carlos vendosi të abdikojë fronin, shumë spanjollë kërkuan anulimin e Monarkisë. Skandali i korrupsionit në familjen mbretërore dhe problemet shëndetësore të Mbretit, pas disa ndërhyrjesh kirurgjikale vitet e fundit, kanë gërryer – siç raportojnë mediat ndërkombëtare – mbështetjen e publikut për Monarkinë në Spanjë.
“Ne dëshirojmë të jemi qytetarë dhe jo subjekte – tha një prej protestuesve. – Nuk duam të drejtohemi nga një familje aq e korruptuar, sa ajo e burbonëve. Një Republikë është edhe më pak e kushtueshme”.
Me sloganin “Referendum tani” u organizuan protesta në të gjithë vendin.
Top Channel
