SHBA, tjetër tragjedi në kampuse

Studenti iu vërsul personit të armatosur në kampusin universitar teksa ai përpiqej të rimbushte armën, deklaroi policia, për të shtuar se për të bllokuar agresorin u përdor dhe spraj paralizues.

Autoritetet policore nënvizuan se veprimi i studentit dhe i moshatarëve të tjerë që i erdhën në ndihmë parandaloi një tragjedi që mund të kishte kapur përmasa më serioze.

Personi i dyshuar si autor i masakrës është identifikuar si Aaron Ybarra, 26 vjeç, i cili tashmë ndodhet nën kontrollin e policisë.

Autoritetet lokale deklarojnë se ai po hetohet për vrasje dhe saktësojnë se ai nuk është student i kampusit dhe se ka vepruar i vetëm. Gjithashtu, raportohet se ai mbante një armë të tipit ‘shotgun’ dhe një thikë përpara se të hapte zjarr nëpër kampur.

“Por pa ndërhyrjen e studentëve të kampusit ngjarja do të kishte qenë edhe më tragjike”, deklaroi zëdhënësi i policisë së Siatëllit, Paul McDonagh në një konferencë shtypi.

Ndërsa drejtori i kampusit universitar, Daniel Martin deklaroi se studentët që neutralizuan personin e armatosur vepruan pa u shqetësuar për jetën e tyre për të shpëtuar jetët e tjera.

“Ne jemi një komunitet dhe na dhimbset jeta e të tjerëve. Ata që vepruan kishin parasysh këtë”, tha zoti Martin.

Top Channel