Didi: Lazarati është nën kontroll

Fshati famëkeq, sipas kryepolicit Didi, është nën autoritetin e policisë, e cila vepron atje lirisht dhe është duke kryer një punë efiçente për të parandaluar fenomenin që lulëzon atje.

Didi ka theksuar se policia ka kontroll mbi Lazaratin dhe zona të tjera të thella jo vetëm sa i takon trafikut të lëndëve narkotike, por edhe fushave të tjera të krimit.

“Ne në Lazarat jemi brenda. Hyjmë, dalim, kryejmë kontrolle. Jeni keqinformuar dhe duke trajtuar Lazaratin në media si diçka ekstra-territoriale na detyroni dhe neve ta shohim në atë këndvështrim. Kanabis nuk ka vetëm në Lazarat, por edhe në zona të tjera rurale, të cilat janë nën kontroll sikurse zonat urbane”, ka deklaruar Didi.

Këto deklarata Didi i ka bërë nga Korça, ku ka marrë pjesë në aktivitete të organizuara në kuadër të fushatës sensibilizuese kundër dhunës në familje, fenomen që sipas tij është shkaktari kryesor i krimeve të ndodhura së fundmi në familje.

Top Channel