Droga, policia vijon aksionet në Tepelenë
04/06/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Në vijim të operacioneve të njëpasnjëshme të zhvilluara nga komisariati i policisë Tepelenë, për parandalimin e kultivimit të bimëve narkotike, një tjetër operacion i koduar “Dilan”, është zhvilluar në komunën Kurvelesh.
Operacioni është zhvilluar në fshatin Nivicë të Kurveleshit, në zonën e Dilanit, ku është konstatuar një serë me 850 fidanë kanabis të mbjella në gota plastike gati për t’u mbjellë në tokë.
Sipas burimeve policore lokale, disa metra më tej farishtes ishin hapur rishtaz parcela dhe gropa për t’u kultivuat me kanabis.
Në fund të muajit maj, të paktën 350 efektivë të RENEA-s, Forcave të Ndërhyrjes së Shpejtë të Fierit, Vlorës dhe të komisariateve Gjirokastër e Tepelenë ndërhynë në zonen malore të Kurveleshit për shkatërrimin e rrënjëve të bimëve narkotike.
Në operacion u përdorën 5 autoblinda dhe një numër të lartë mjetesh të tjera policore. Gjatë tij pati edhe të shtëna armësh, por nuk pati të lënduar.
Policia rrethoi zonën dhe kreu kontrolle nëpër banesa e hapësira publike ku kishte pasur informacion se kishte bimë narkotike. Disa burime konfidenciale thanë se policia arriti të shkatërronte disa parcela droge.
Top Channel
