Gjyqi ndaj dy mjekëve italianë
02/06/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Në seancën e gjashtë gjyqësore ndaj dy mjekëve italianë Tullio Simoncini dhe Roberto Gandini, nëna e të ndjerit Luca Olivoto, i cili ndërroi jetë më tetor 2012 gjatë terapisë me sodë buke për të kuruar tumorin, ka bërë apel për drejtësi pak përpara se të hynte në procesin penal.
Silvana Olivoto tha se familja e saj u mashtrua nga dy mjekët dhe për këtë autoritetet nuk duhet t’i hetonin ata vetëm për mjekim të pakujdesshëm, pasi të dy të akuzuarit i garantuan se nga ndërhyrja me bikarbonat natriumi nuk do të kishte asnjë rrezik për jetën e pacientit.
“Problemi nuk është vetëm se duhet të jepët drejtësi për tim bir. Problemi është se këta persona nuk duhet të mashtrojnë njerëz që shpresojnë në shërimin nga tumori të familjarëve të tyre me mënyra të panjohura”, deklaroi zonja Olivoto.
Duke qenë se kjo lloj kure në Itali nuk lejohet, mjeket Simoncini dhe Gandini e kanë aplikuar këtë metodë në Shqipëri, në një spital privat ku me sodë buke i janë nënshtruar kësaj kure edhe disa shtetas të tjerë.
“Kishte edhe pacientë të tjerë në spital, dy italianë, një amerikan, një hungarez dhe një shqiptar. Dy prej tyre kam marrë vesh se kanë ndërruar jetë”, tha më tej Olivoto.
Silvana Olivoto ka dëshmuar në gjykatën penale së bashku me një shtetas italian për llogari të procesit të hapur ndaj dy mjekëve, të cilët përfaqësohen në gjykatë nga avokatët e tyre mbrojtës.
Top Channel
