Itali, kapet drogë nga Shqipëria
31/05/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Deformimi i strukturës së rimorkios së një kamioni çoi në zbulimim e një ton e 270 kilogramësh marijuanë të sjellë nga Shqipëria.
Rojet financiare dhe agjentët e Doganës në portin e Barit, pas një kontrolli të imët me rrëze X nxorrën nga fundi i dyfishtë i krijuar në rimorkio 1.177 pako marijuanë.
Automjeti ishte i ndaluar në port dhe drejtuesi i tij, një 34-vjeçar shqiptar që sapo kishte zbritur nga trageti, është arrestuar. Sipas dokumenteve ai duhet të kishte udhëtuar jo bashkë me ngarkesën, por me një tjetër target.
Aktualisht ai ndodhet i mbyllur në burg me akuzën e trafikut ndërkombëtar të lëndëve narkotike dhe po hetohet mbi rolin e tij. Bëhet e ditur se në treg droga e kapur do të arrinte një vlerë prej 13 milionë eurosh.
Top Channel
