Tiranë e Durrës, 260 kg kanabis të sekuestruara
29/05/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Policia e Tiranës ka sekuestruar një sasi prej 60 kilogramësh lëndë narkotike të llojit kanabis sativa gjatë një operacioni anti-drogë të ndërmarrë në orët e mbrëmjes së të enjtes.
Sasia e drogës u seksuestrua në një apartament në rrugën “Siri Kodra” në kryeqytet dhe në pranga përfunduan shtetasit Hysen Hysa dhe Nardi Deliu.
Policia ka nisur hetimet për të zbardhur nëse bëhet fjalë për një rrjet trafiku dhe nëse në këtë trafik ka edhe persona të tjerë të përfshirë.
Ndërkohë gjatë ditës rreth 200 kilogram kanabis sativa është sekuestruar në një kamion në Portin Detar të Durrësit. Droga u gjet nga policia kufitare pas informacioneve të siguruara në rrugë operative.
Gjatë kontrollit të ushtruar në kamion u konstatua se droga ishte fshehur në gomat aktive të kamionit me targa “AA 419 IX”, që po kryente proçedurat për t’u imbarkuar në një nga tragetet e linjës Bari-Durrës.
Në gomën e parë të kamionit u gjet një sasi prej 24 kg kanabis e ndarë në pako. Kamioni u dërgua në një nga gomisteritë e Shkozetit, ku dhe u krye procesi i heqjes së gomave të mbushura me mallin e ndaluar.
Burime policore bënë të ditur se ndaluan drejtuesin e kamionit, shtetasin Ermal Hasani, ndërsa po hetohet për të zbardhur identitetin e personave të tjerë të përfshirë në këtë trafik, si dhe prejardhjen e destinacionin konkret të lëndës narkotike në shtetin fqinj.
Top Channel
