Hetimet për avionin e Divjakës
29/05/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Në kohën kur për dosjen e avionit të Divjakës janë ende në kërkim katër persona të tjerë, për akuzën e trafikut të drogës të mbetur në tentativë, prokurorët po përpiqen të konfirmojnë nëse ka qenë apo jo i sinqertë përpara policisë i pandehuri Sajmir Bajrami, i cili shpjegoi se drogën e kishte blerë në Fushë Krujë dhe se ishte lidhur me pilotin italian Riformato, nëpërmjet shtetasit me emrin Xhuzepe.
Rrëfimi i tij është vendosur në pikëpyetje, menjëherë sapo ekspertët e Kriminalistikës zbuluan 11 gjurmë gishtash në pakot e drogës, e cila përkundër deklaratës së Bajramit nuk rezulton të jetë paketuar në Krujë, por në Lushnje, pasi në mbështjelljet e natribanit u gjetën gjurmët papilare të pesë personave nga Lushnja, njëri prej të cilëve, Aurel Pupe, u arrestua pa bujë, duke u mbajtur sekret.
Ndërsa avokati i pilotit italian këmbëngul në ankimimin e tij, se Riformato është vetëm një turist që pësoi aksident në Divjakë, avokati i Bajramit, Gentjan Rumano, gjatë masës së sigurisë në Gjykatën e Apelit për Krimet e Rënda theksoi para mediave se rrëfimi i Bajramit nuk është i vërtetë dhe se ai ka gënjyer në kushtet e presionit.
“Ne do japim pretendime të reja sepse nuk diskutohet që ato deklarime janë dhënë në kushte të rënduara të momentit të gjendjes së tij emocionale. Ato nuk qëndrojnë. Ne përsa i përket pjesës së personalitetit të tij e vëmë shumë në dyshim”, deklaroi avokati Rumano.
Megjithatë, Gjykata e Apelit rrëzoi kërkesën e mbrojtjes për lirimin e Bajramit, duke rikonfirmuar kërkesën e Prokurorisë për masën arrest me burg. Ndërkohë që, në fillim të javës tjetër, pritet që të dalë para Apelit edhe piloti Riformato, për të cilin sërish avokatët do të kërkojnë lirinë e tij.
Top Channel
