Sekuestrohet drogë në Kakavijë e Kukës

26/05/2014 00:00

Policia kufitare në Gjirokastër ka kapur një sasi droge dhe arrestoi një 27-vjeçar nga Gjirokastra.

Sot në orën 7 të mëngjesit, shtetasi Ermal Ndreu me automjetin e tij po kalonte kufirin për në Greqi, por pas kontrollit të policisë, në brendësi të shasisë së mjetit u gjetën të fshehura 45 kilogram marijuanë.

Drejtuesi i automjetit mbahej prej tri javësh nën vëzhgim nga ana e specialistëve të Sektorit kundër Narkotikëve, në Drejtorinë e Policisë së Qarkut Gjirokastër, të cilët kanë bashkëpunuar me Policinë Kufitare për kapjen e tij.

Lënda narkotike është blerë në Lazarat me destinacion Athinën.

Kukës, kapet hashash
Në pranga 5 persona, po e dërgonin në Kosovë

Pesë persona u arrestuan në orët e para të mëngjesit të së hënës, në Kukës, me akuzën e trafikut të drogës.

Dy të rinj nga Morina dhe tre shtetas kosovarë nga Skënderaj, kanë tentuar të trafikojnë nëpërmjet kufirit të gjelbër një sasi droge.

Droga do kalonte nga Shqipëria në Kosovë dhe policia e gjeti drogën të fshehur në gomën rezervë të një automjeti.

Në cilësinë e provës janë bllokuar 5.5 kilogram hashash, një automjet me targë TR 7737 I, si dhe një mjet furgon.

Top Channel

BILETA Portokalli - Bileta