Gati shembja e pallatit 9-katësh
21/05/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një godinë 9-katëshe në plazhin e Shkëmbit të Kavajës, që u bllokua në fillim të kësaj jave për mungesë dokumentacioni, do të shembet më lëndë eksplozive nga Inspektoriati Ndërtimor dhe Urbanistik Kombëtar.
Specialistët xhenierë kanë nisur punën për vendosjen e eksplozivit, të mbështetur nga forcat e policisë, ndërsa nuk ka pasur reagime nga pronari i objektit të ndërtuar pa leje dhe jashtë kushteve të lejuara urbanistike.
Në kuadër të lirimit të hapësirave të zaptuara publike, Nëntorin e kaluar, INUK prishi kompleksin e ndërtuar në hyrje të qytetit të Durrësit, poshtë Urës së Dajlanit, objekt pa leje i të njëjtit subjekt ndërtues dhe investues.
5 vjet më parë, një tjetër godinë shumëkatëshe e së njëjtës kompani u vu në shënjestër të autoriteteve ligjore, por katet e sipërme të 21-katëshit, që ngrihet pranë hyrjes së portit detar, nuk u arritën të shembeshin.
Edhe pse Bashkia dhe Këshilli Bashkiak akorduan një fond prej 13 milionë lekësh për prishjen e kateve pa leje, asnjë subjekt nuk mori përsipër realizimin teknik të kësaj ndërhyrjeje.
Top Channel
