Ekstradohen 8 shqiptarë në Itali
21/05/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
“Interpol Tirana” ekstradoi drejt Italisë 8 të arrestuar më parë nga policia shqiptare, për llogari të drejtësisë italiane.
“Interpol Roma” i kishte shpallur më parë në kërkim këta shtetas, për akuzat më të rënda të kodit penal italian, si vrasje në rrethana rënduese, pjesëmarrje në organizata kriminale, shfrytëzim prostitucioni, trafik droge.
Të tetë personat rezultojnë të jenë arrestuar në dy muajt e parë të vitit 2014, nga policitë e qarqeve Tiranë, Durrës dhe Fier. Për disa prej tyre, dënimet ishin dhënë që 7 apo 8 vite të shkuara, ndërsa për disa të tjerë janë ngritur akuza gjatë këtij viti.
Të ekstraduarit janë:
*Arlind Allasufi, 32 vjeç, banues në Kavajë. I dënuar nga Gjykata e Padovës nën akuzën e vrasjes, me 16 vjet e nëntë muaj burg. Vendimi ishte dhënë në vitin 2007. Për 7 vite me radhë, Allasufi banointe në qytetin e Kavajës.
*Ardian Allkanjari, 43 vjeç, banues në Gradishtë të Lushnjes. I dënuar në vitin 2008 nga Gjykata e Apelit të Milanos me 9 vjet e 11 muaj, nën akuzën e vrasjes në rrethana rënduese. U arrestua më 9 Shkurt të këtij viti nga komisariati i Lushnjes. Prej 6 vitesh banonte në fshatin e tij të lindjes.
*Gzim Gjini, 57 vjeç, banues në Luz të Krujës. I dënuar nga Gjykata e Udines, për akuzën “shfrytëzim prostitucioni dhe emigracion klandestin”. Dënimi 5 vjet e 2 muaj burg.
*Eugen Çaushi, 29 vjeç, nga Fieri. Gjykata e Milanos ka lëshuar urdhrin e arrestit më 27 Janar të këtij viti, i dyshuar për veprën penale të “organizatë kriminale, ndihmë dhe nxitje për prostitucion”. Rrezikon 17 vjet burg.
*Eder Dorzi, 31 vjeç, nga Tirana. I kërkuar nga Gjykata e Milanos, që nga Janari i këtij viti, për veprën penale të “organizatë kriminale, ndihmë dhe nxitje për prostitucion”. Rrezikon 17 vjet burg.
*Rigers Hysa, 40 vjeç, nga Burreli. I kërkuar nga Gjykata e Romës, për kryerjen e veprës penale të “organizatë kriminale dhe shfrytëzim prostitucioni”. Rrezikon 21 vjet burg.
*Dorjan Doçi, 40 vjeç, nga Tirana. Gjykata e Apelit të Milanos e ka dënuar në 2010-n me 7 vjet e 6 muaj burg, për pjesëmarrje në “organizatë kriminale dhe trafik ndërkombëtar droge”.
*Mikelo Kararaj, nga Patosi, Fier. Akuzohet për “organizatë kriminale, ndihmë dhe nxitje prostitucioni, trafik droge”. Rrezikon 30 vjet burg.
Top Channel
