Shijak, kapet baza e falsifikimit
09/05/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një bazë moderne e falsifikimit të dokumentave shqiptare dhe italiane është goditur nga Policia e Durrësit gjatë operacionit “Klienti”, që ka kurorëzuar një hetim paraprak 4-mujor, ndërsa u vunë në pranga shtetasit Muhamet dhe Alvaro Strefi, përkatësisht 56 dhe 27 vjeç.
Agjentët e sektorit për krimin ekonomik dhe financiar sekuestruan në qytetin e Shijakut në ambientet e një banese disa mjete moderne që përdoreshin për falsifikim dokumentesh.
Në bazën e falsifikimit u gjetën dhe u sekuestruan 8 vula të ndryshme, kryesisht vula noteriale dhe avokatie italiane dhe shqiptare, vula të komunave të Milanos dhe Monzas në Itali, si dhe vula të Drejtorisë Rajonale të Shfrytëzimit të Automjeteve, Kontrollit Teknik si dhe vula për lëshimin e mandat-pagesave të Drejtorisë Rajonale të Transportit Rrugor të Durrësit.
Përveç vulave, janë sekuestruar një sasi e konsiderueshme dokumentesh false, si polica sigurimi, certifikata pronësie italiane, prokura të posaçme, leje drejtimi automjetesh shqiptare, leje drejtimi italiane, karta identiteti italiane, leje qëndrimi greke, dokumenta të kontrollit teknik të automjeteve, leje qarkullimi ndërkombëtare, dokumenta të kontrollit teknik të automjeteve të shtetit anglez si dhe dokumenta të tjera të Drejtorisë Rajonale të Shfrytëzimit të Transportit Rrugor Durrës.
Top Channel
