Vritet agjenti francez në Jemen
06/05/2014 00:00
Ankaraja hedh poshtë bashkëpunimin trepalësh të mbrojtjes, akuzon Greqinë për shkelje të hapësirës ajrore mbi Egje 25/12 22:50
Një agjent francez sigurie është vrarë dhe një tjetër është plagosur
rëndë në një atentat në kryeqytetin e Jemenit, Sana. Ata ishin në një
makinë duke mbrojtur misionin e Bashkimit Evropian, kur u qëlluan nga
një person i paidentifikuar.
Nga të shtënat një shofer jemenas ka mbetur gjithashtu i plagosur. Presidenti francez Francois Hollande e ka cilësuar sulmin si një “akt burracak”.
Shtetasit perëndimorë janë shënjestruar së tepërmi në muajt e fundit. Rasti më i njohur ishte ai i një diplomati gjerman, që mbeti i plagosur ditën e hënë. Shefja e Politikës së Jashtme të BE, Catherine Ashton dënoi gjithashtu sulmin, që u verifikua në qendër të kryeqytetit.
“Prania e BE-së në Jemen ka si qëllim të vetëm asistimin e vendit përgjatë tranzicionit demokratik dhe zhvillimin ekonomik të tij. të sulmosh njerëzit e angazhuar në këto përpjekje është diçka dashakeqe dhe e pakuptimtë”, deklaroi Ashton.
Sulmi i armatosur vjen në një kohë kur ushtria jemenase po vazhdon sulmet ndaj militantëve të Al Kaedës në jug të vendit. Ministria lokale e Mbrojtjes deklaroi së fundmi se deri tani në këtë operacion janë vrarë të paktën 37 militantë.
Al Kaeda në Gadishullin Arabik kontrollon shumicën e territorit jugor të Jemenit që prej vitit 2011. Aktualisht ajo konsiderohet edhe dega më e rrezikshme e rrjetit terrorist.
Muajin e kaluar në rrjetet sociale qarkulloi një video që tregonte mbledhjen e liderëve të degëve të Al Kaedës në Jemen, në të cilën u shfaq edhe personi që konsiderohet si trashëgimtari i grupit, Nasir al Whayshi, i cili duartrokitej nga të pranishmit.
Muajin e kaluar në rrjetet sociale qarkulloi një video që tregonte mbledhjen e liderëve të degëve të Al Kaedës në Jemen, në të cilën u shfaq edhe personi që konsiderohet si trashëgimtari i grupit, Nasir al Whayshi, i cili duartrokitej nga të pranishmit.
Po muajin e kaluar forcat speciale jemenase dhe ato amerikane ndërmorën një aksion të papreçedent ndaj organizatës terroriste, ku u shënjestruan figura të rëndësishme të saj.
Top Channel
