Trageti korean u fundos prej mbingarkesës
06/05/2014 00:00
Pritet zbulimi i sekreteve të klimës së Tokës, akulli 1.5 milionë vjeçar do të shkrihet 18/07 23:00
Tejkalimi i ngarkesës dhe dështimi për ta balancuar atë siç duhej kontribuan në fundosjen e tragetit “Sewol” në Korenë e Jugut, muajin e kaluar, ka bërë të ditur të martën ekipi i përbashkët i policisë dhe hetuesve, të cilët kanë investiguar shkaqet e fatkeqësisë.
Kjo është hera e parë që hetuesit koreano-jugore thonë se ishte pikërisht ajo që besonin ata, rezultoi edhe si shkak i animit dhe përmbysjes së 16 Prillit, ku mbetën të paktën 267 persona të vdekur.
Detyra e vështirë e nxjerrjes së trupave njëri pas tjetrit nga trageti i mbytur koreano-jugor është goditur nga një ngjarje e dhimbshme të martën, kur një polumbar me eksperiencë humbi ndjenjat dhe ndërroi jetë.
Pavarësisht humbjes së kolegut të tyre, afro 130 polumbarët e tjerë vazhdojnë të kërkojnë në anijen e zhytur. Ata duhet të nxjerrin ende trupat e 35 personave të tjerë, që rezultojnë të zhdukur. Numri i viktimave të tragjedisë së tragetit ka shkuar tashmë në 267, pa përfshirë polumbarin, i cili më vonë u identifikua si Lee, por pa dhënë emrin e plotë.
5 minuta pas zhytjes së tij, duket se atij i kanë lindur probleme me furnizimin e oksigjenit. “Kolegët shkuan në kohë për ta shpëtuar, por Lee ishte i pandërgjegjshëm dhe nuk mundte të merrte frymë vet”, tha zëdhënësi i qeverisë, Koh Myung-suk.
Lee kishte 30 vjet që shërbente si zhytës, thanë zyrtarët. Trageti u mbyt më 16 Prill, teksa ishte në kthim nga Incheon-i në veri, drejt ishullit turistik të Jelu-së, në jug-perëndim të vendit.
Top Channel
