Goditet baza e eksplozivëve
10/04/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Policia e Shkodrës dhe Drejtoria e Operacioneve të posaçme goditi një bazë të minave me telekomandë në qytetin e Shkodrës dhe arrestoi dy persona, Pjetër Babaj 58 vjeç i dënuar më parë për trafik armësh dhe Lulzim Tosken 36 vjeç.
Atyre iu sekuestruan 4 mina të telekomanduara, 6 pistoleta, një silenciator, 30 fishekë pistolete dhe 50 fishekë automatiku .
“Fillimisht në pranga ra Pjetër Babaj pasi në automjetin e tij në afërsi të urës së Bunës iu gjetën dy mina dhe pas kontrollit në shtëpinë e tij u gjetën edhe dy mina të tjera dhe 6 kapsolla elektrike që aktivizoheshin nga distanca nëpërmjet telefonit celular. Më pas u arrestua edhe Lulzim Toska, i cili dyshohet se ka lidhje me Pjetër Babajn. Në shtëpinë e Toskës u sekuestruan edhe katër pistoleta, njëra prej të cilave me silenciator dhe 30 fishekë”, tha Drejtori i Policisë së Shkodrës, Shaban Nexhi.
Operacioni për goditjen e kësaj baze kishte nisur dy muaj më parë me përgjime dhe vëzhgime me metoda speciale të hetimit.
Policia dyshon se këto mina mund të jenë prodhuar në vend ose janë marrë nga grupet kriminale malazeze dhe serbe.
Tre ditë më parë një operacion i ngjashëm u realizua në Fushë Krujë, ku u arrestua një tjetër trafikant, edhe ai në posedim të një sasie të konsiderueshme armatimesh.
Në prangat e policisë ra shtetasi Marjan Gjergji, 45 vjeç nga Rubiku, person me precedentë të mëparshëm penalë dhe anëtar i një rrjeti të trafikut të lëndëve eksplozive, rrjet që prej një muaji është nën hetim nga policia.
Në momentin e arrestimit, Gjergjit iu sekuestruan 15 kallëpe tritol, 7 kallëpe dinamit, si dhe një numër i konsiderueshëm detonatorësh, ndezësa dhe fitil zjarrpërcjellës.
Top Channel
