Drogë nga Shqipëria për mafian siçiliane
02/04/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Policia italiane në qytetin e Raguzës, në Siçili, ka neutralizuar një rrjet të trafikut të drogës që lëvizte në aksin Shqipëri-Itali.
Lajmin e bëjnë të ditur mediat italiane, sipas të cilave në pranga kanë përfunduar 22 persona, italianë edhe shqiptarë.
Sipas burimeve, rrjeti trafikonte marijuanë nga Shqipëria, të fshehur në makina të vjetra që do të shkatërroheshin në Itali dhe që transportoheshin nga auto-karrot.
Burimet vënë në dukje se hetuesit kanë zbuluar se grupi shqiptar i rrjetit bashkëpunonte me dy familje mafioze të Raguzës, Dominante dhe Carbonaro.
Kur droga mbërrinte në Itali, këto të fundit angazhonin njerëzit e tyre për ta shpërndarë, në radhët e të cilit ishin dy gra, si dhe barinj të shumtë, që marijuanës i referoheshin duke përdorur fjalën “qingji” e që e fshihnin në stallat e tyre.
Top Channel
