Shijak, plagoset rëndë biznesmeni
31/03/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një biznesmen nga Shijaku është qëlluar me armë zjarri, mbrëmjen e së hënës, nga persona ende të panjohur. Ai është Ilir Hoxha, 42 vjeç, me banim në fshatin Sallmonë të Shijakut. Ai u qëllua në rrugë pranë banesës.
Duke përfituar dhe nga errësira, autori është larguar me shpejtësi, ndërsa i plagosuri është transportuar në spitalin rajonal të Durrësit, ku i është nënshtruar një ndërhyrjeje kirurgjikale.
Hoxha ka disa biznese në Durrës e Shijak, mes të cilave dhe një kazino. Ngjarja ka ndodhur rreth 100 metra larg kryqëzimit të “4 rrugëve të Shijakut”.
Grupi hetimor po kryen veprimet e para operative dhe proceduriale për të zbardhur ngjarjen dhe identifikuar autorin apo autorët e dyshuar të ngjarjes. Hetimet janë përqëndruar në pistën e larjes së hesapeve mes grupeve rivale.
Top Channel
