Analistët: Kriza dëmtoi vetë Rusinë

Ata janë të mendimit se “kapitali po largohet nga vendi, ndersa investitoret përpiqen ta shmangin rrezikun duke investuar me vende te sigurta”. Duke marrë parasysh rritjen e vogël të ekonomise ruse, analistët paralajmërojnë se vendi mund të hyjë në recession, në kohën kur zemërata ndërkombëtare dhe sanksionet ekonomike po shtohen”.

Rusia është ekonomia e 9-të në botë. Vitin e kaluar pati një rritje prej vetem 1.3 % Por kete vit, rritja ekonomike eshte ne pikepyetje. Rezervat kanë rënë rreth 14 % këtë vit, rubla- 11% ndaj dollarit dhe inflacioni mund të arrijë në 7 % në muajin mars.  Dobësia ekonomike e kombinuar me kërcënim për më shumë sanksionë është e mjaftueshme për agjensite e vlerësimit të kreditit “Standard and Poor” për të ulur parashikimin për ekonomine ruse nga “e qëndrueshme” në “negative”. John Chambers kreu i Komisionit të Vleresimit të Kreditit në “Standard and Poor’s” thote: “Klima e dobët e investimeve dhe disponimi jo i mirë i investitoreve ul parashikimet tona për rritjen ekonomike për  këtë vit dhe vitin e ardhshem”.

Investitoret kane terhequr rreth 70 miliardë dollare nga ekonomia e Rusisë prej nisjes se krizës. Por, Rusia nuk është tërësisht e pafuqishme. Banka e saj qendrore ka kapacitet te mjaftueshem për të mbuluar eksod te madh te kapitalit. Mund te reagoje edhe duke ndalur eksportet e gazit ne Europe, qe mbeshtetet tek rusia per thuajse nje te treten e nevojave energjitike. Kjo do të dëmtonte Rusinë, e cila merr më shumë se 50 përqind të të ardhurave të saj nga eksportet e energjisë. Pasojat e sanksioneve ka nisur t’i ndjejë edhe publiku rus. Disa banore te Moskes raportuan për problemet me fondet e tyre në bankat qe jane vendosur ne shenjester të sanksioneve amerikane dhe europiane.

Top Channel