Egjipt, nis gjyqi ndaj kreut të Vllazërisë

Ata përballen me një sërë akuzash, mes të cilave ajo për vrasjen e disa agjentëve të policisë gjatë përpjekjeve të tyre për të frenuar lëvizjen islamike në muajin gusht.

Shumica e të pandehurve po gjykohen në mungesë dhe zyrtarët thonë se zoti Badie nuk ishte në gjykatë për arsye sigurie.

Procesi i madh në provincën e Minias vjen një ditë pasi e njëjta gjykatë dënoi me vdekje 528 mbështetës të tjerë të ish-presidentit Morsi.

Në mbarë botën ka pasur reagime të ashpra ndaj këtij mega-dënimi, i cili u dha në sesionin e dytë të procesit.

Autoritetet egjiptiane i janë vënë pas Vllazërisë Myslimane që nga rënia e Morsit në korrik. Që atëherë mbi 1 mijë persona janë vrarë dhe mijëra të tjerë janë arrestuar.

Mohammed Badie, udhëheqësi i përgjithshëm i Vllazërisë, po mbahet në burg bashkë me shumë liderë të tjerë të lëvizjes islamike.

Ushtria ndërhyri pas protestave të shumta që kishin mbushur rrugët kundër zotit Morsi, presidenti i parë pro-islamik i zgjedhur në rrugë demokratike.

Pas rënies së tij nga pushteti Vllazëria mbajti protesta dhe ngriti kampe protestuesish në Kajro, lëvizje pas të cilave zoti Baide ishte një figurë e spikatur.

Policia bastisi kampet, duke vrarë qindra protestues dhe duke detyruar udhëheqësin që të fshihej. Por ai u arrestua në muajin gusht.

Top Channel