Itali, gomone nga Shqipëria në Pulia
24/03/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Nje gomone pranë brigjeve të San Kataldos në Pulia tërhoqi vëmendjen e personave që po kalonin të djelën në parkun natyror Le Cesine dhe bënë që në vend të shkonin forcat e rendit.
Patrullat që po mbanin nën vëzhgim zonën ndoqën gjurmët e lëna nga mjeti lundrues në tokë dhe arritën të zbulojnë edhe një kuintal e gjysmë marijuanë, të paketuar në shtatë çanta e të fshehur në një zonë të gjelbëruar të parkut të mbrojtur natyror.
Më pas u arrestua një shtetas shqiptar 26 vjeç, me akuzën e trafikut ndërkombëtar të drogës. Ai u gjet në afërsi të vendit ku u zbulua droga dhe duket se kishte udhëtuar nga Shqipëria me gomonen e drejtuar nga një tjetër person, i cili është zhdukur pa lënë gjurmë.
Sipas hetuesve, droga mbërrin nga Shqipëria dhe ata vënë në dukje se kohët e fundit forcat e rendit janë angazhuar shumë në vigjëlimin e brigjeve dhe në luftimin me të gjitha mjetet të trafikut të marijuhanës.
Mendohet se rrjeti i drogës së sjellë nga Shqipëria në zonën e jugut ka degëzimet e tij në të gjithë vendin, në mënyrë të veçantë në veri të Italisë.
Top Channel
