Zgjerohet pika kufitare e Vermicës
28/02/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Pika kufitare në Vermicë, e cila lidhë Kosovën me Shqipërinë, nga qershori i këtij viti do të zgjerohet me nga një korsi të dedikuar për mallra dhe një korsi të veçantë për zyrtarët insitucionalë.
Ministria e Punëve të Brendshme, ajo e Financave dhe ajo e Infrastrukturës nënshkruan marrëveshjen e mirëkuptimit për bashkëfinancimin e projektit, i cili pritet të nisë në javët në vijim.
Zgjerimi i pikës kufitare ka për qëllim kontrollin më të shpejtë të udhëtarve dhe mallrave dhe në të njëjtën kohë parandalimin e ekonomisë informale, duke krijuar edhe siguri më të lartë.
“Në këtë mënyrë shpejtohet lëvizja e lirë e qytetarëve, por edhe kontrolli do të jetë më i mirë”, deklaroi ministri i Brendshëm, Bajram Rexhepi.
“Pas takimit të dy qeverive në Prizren ka vullnet për veprim konkret dhe një prej tyre është ky që po marrim”, deklaroi nga ana tjetër ministri i Infrastrukturës, Fehmi Mujota.
Ndërsa shefi i Financave, Besim Beqaj vlerësoi se, “Ministria e Financave është e angazhuar për të rritur besimin tek ekonomia formale dhe luftimi i ekonomisë informale është objektivi ynë”.
Zgjerimi i rrugës pritet të përfundojë në qershor, ndërsa realizimi i tërë projektit arrin vlerën e 367 mijë eurove.
Top Channel
