Kontroll blic në burgun e Burrelit
14/02/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Drejtoria e Përgjithshme e Burgjeve ka ndërmarrë të premten një kontroll të befasishëm në burgun e Burrelit, kryesisht në qelitë e të dënuarve.
Burime zyrtare nga kjo drejtori bëjnë të ditur se gjatë kontrollit në këtë burg janë gjetur tre telefona celularë, të cilët dyshohet se përdoreshin nga të dënuarit.
Sipas burimeve, pas sekuestrimit të objekteve ka nisur një hetim për identifikimin e furnizuesit të celularëve, i cili është identifikuar menjëherë.
Burimet saktësojnë se personi në fjalë është shtetasi Shkëlqim Dedja, pronar i një pike private të shitjes së telefonave të lëvizshëm, i cili është arrestuar.
Pak ditë më parë një kontroll i ngjashëm u krye në burgun e sigurisë së lartë të Drenovës, në Korçë, ku u gjet një sasi e konsiderueshme tritoli.
Lajmin e komunikuan autoritetet lokale, sipas të cilave sasia e lëndës eksplozive u gjet në regjimin e brendshëm të burgut. Tritoli ishte me fitil por nuk ishte ndezur, saktësuan burimet.
Top Channel
