Vrasje për gjakmarrje në Dibër
11/02/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një person ka gjetur vdekjen si pasojë e të shtënave me armë zjarri në komunën Luzni të Dibrës.
Ngjarja e rëndë ka ndodhur në orët e mbrëmjes së të martës. Viktima mësohet se është shtetasi Basri Nikolli, banor i kësaj komune.
Policia ka shoqëruar Edmond Skukën si autor të vrasjes së Basri Nikollit. Dyshohet se bëhet fjalë për vrasje për gjakmarrje, pasi viktima ishte vëllai i njërës prej dy nuseve që një vit më parë ekzekutuan dhe më pas groposën në kasollën e bagëtive vjehrrën e tyre.
Ngjarja e rëndë ka ndodhur më 12 shkurt në fshatin Hatesh. Xhemile Skuka, 30 vjeç ka vrarë me sende të forta vjehrrën e saj, Naime Skukën. Më pas, me ndihmën e kunatës së vet, 30-vjeçarja ka marrë trupin e pajetë të vjehrrës 67-vjeçare dhe e ka groposur atë në kasollen e bagëtive.
Shkak i vrasjes makabër dyshohet të kenë qenë zënkat e vazhdueshme mes viktimës dhe dy nuseve të saj për të hollat që djali dërgonte nga emigrimi. Vec 30-vjeçares, së dënuar si autore e vrasjes, policia ndaloi edhe 23-vjeçaren Hike Skuka, nusja tjetër që ka bashkëpunuar në krim.
Top Channel
