Pas arritjes së marrëveshjes mes guvernatorit të Homsit dhe Organizatës së Kombeve të Bashkuara, “gratë, fëmijët dhe të moshuarit mund të largohen nga qyteti i rrethuar nga ushtria prej Qershorit të vitit 2012”.
Gjysmë Hëna e Kuqe siriane shpreson qe shpërngulja të nisë të premten si dhe ne qytet te mbërrijnë furnizimet për civilet e mbetur aty.
Bisedimet e paqes në Gjenevë të Zvicrës muajin e kaluar mes qeverise siriane dhe opozitës nuk prodhuan një marrëveshje për shpërnguljen.
Në qytetin e Homsit kanë ndodhur disa prej luftimeve më të ashpra gjatë tre viteve të luftës civile dhe pjesa më e madhe e tij është shndërruar në gërmadhe.
Kushtet e jeteses në zonat e rrethuara janë të tmerrshme; mungon ushqimi dhe medikamentet. Korrespondenti i BBC-së në Bejrut, Jim Muir tha se “u deshem shume ditë negociata për arritjen e kësaj marrëveshjeje”. Sipas tij ka shumë mllefe mes paleve”.
Në të shkuarën plane të ngjashme për largimin e civileve kanë dështuar në minutë të fundit.
Homsi, qyteti i tretë për nga madhësia në Siri u shndërrua në fushëbetejen e luftes kundër Presidentit Bashar al-Assad.
Fillimisht, qyteti u vu nën kontrollin e kryengritesve, por trupat qeveritare rimorren shume pjesë të qytetit duke i detyruar kryengritesit të zmbrapsen ne “qytetin e vjeter”.
Këtu besohet se jane bllokuar mbi 3 000 civilë. Në një zhvillim tjeter, zv/ministri i Jashtem sirian, Faizal Mekdad tha se akuzat për vonesat e shkatërrimit të armeve kimike janë “absolutisht te padrejta”.
Ai tha se “vendi i tij po ben me te miren për të përmbushur afatet e shkaterrimit te armeve, per te cilat është vendosur në marrëveshjen e mbështetur nga Organizata e Kombeve të Bashkuara.
Top Channel
