Fëmija që shpëtoi Vuçiç nuk ishte shqiptar

Së paku dy nga dëshmitarë që ishin të pranishëm në kohën kur Vuçiç mori në krahë një fëmijë për ta ndihmuar nga era e fortë që kishte kapur rajonin serb konfirmuan për TCH se fëmija nuk ka qënë shqiptar, siç u raportua nëpër media.

Sipas dy dëshmitarëve, njëri prej të cilëve shofer i autobusit, fëmija që mori zv/kryeministri serb ishte i një familjeje serbe e cila po udhëtonte me një makinë para autobusit që ishte me disa udhëtarë shqiptarë nga Kosova.

Lajmin e ka konfirmuar edhe menaxheri i agjencisë turistike, Berat Bici, i cili tha nëpërmjet telefonit se lajmi që u proklamua nëpër media, se zv/kryeministri serb ndihmoi një fëmijë shqipar, nuk është i vertetë.

Ndërkohë, shoferi i autobusit, i cili ka qenë në vendngjarje sqaroi më tej se, në autobusin që drejtonte ai nuk kishte pasur asnjë fëmijë shqiptar.

Shoferi tha se fëmija është marrë nga makina e cila ka qenë para autobusit dhe se ajo makinë ka qenë me udhëtarë serbë dhe jo me shqiptarë.

Top Channel