Personat e zhdukur, familjarët jetojnë me shpresë

Genci Gashi, një i ri pa konflikte, doli nga shtëpia me daten 27 Dhjetor të vitit 2013, për të mos u kthyer më.

E ëma e tij, Xhemile Gashi, rrëfen për telefonaten që mori djali i saj ate te premte.

Edhe pse nga hetimet nuk ka ende zhvillime konkrete, Xhemile Gashi është e revoltuar me heshtjen e banorëve të fshatit dhe shokëve të Gencit, që sipas saj nuk po ndihmojnë në gjetjen e tij.

“Të gjithë e dinë, por e kanë lënë në heshtje këtë punë”, thotë ajo.

Mes dhimbjes së pafundme të një nëne, e ema e Gencit ka një apel për personat që kanë lidhje me zhdukjen e djalit.

Por, pavaresisht thirrjes qe ben, Xhemile Gashi pret ende plot shprese ne porten e shtepise.
………………………………………………………………………………………………

Mëngjesin e 5 Gushtit 2012, Anton Prendi, nga Fushë Kruja, kishte dalë si zakonisht nga shtëpia dhe ishte nisur me biçikletë për pune, ne fabrikën ku punonte prej kohësh.

Në familjen Prendi, edhe pas me shume se nje viti e gjysme, mungesa e kryefamiljarit eshte ende e forte sa diten e pare.

Shpresat per gjetjen e Antonit tashme jane venitur. Bashkeshortja e tij, Bardha, thote se i shoqi nuk ka pasur asnje konflikt.

Historia e nje hasmerie te vjeter ne familjen e tyre eshte i vetmi dyshim qe ata kane.

“Nëse kanë marrë gjakun, të paktën të na tregojnë trupin, ta varrosim siç duhet”, tha bashkëshortja e pikëlluar.

Xhesika, vajza e vogel e familjes, e kujton keshtu te atin. “Më ka marrë shumë malli. Më thonte gjithmonë, djali i babait”, kujton e mitura.
…………………………………………………………………………………………..

Kjo është familja Ndreca në Reps të Mirditës. Prej tetë vitesh, anëtaret e saj gdhihen dhe ngrysen me nje deshire te vetme: te takojne edhe nje here te vetme Armandin, i cili rezulton i humbur qe nga viti 2005.

I ati, Gjovalini, e ka te pamundur te mbaje lotet kur kujton te birin, i cili asokohe u nis drejt Greqise.

Suada dhe Ardi, vellai dhe motra e Armandit, nuk e kane humbur shpresen se i vellai eshte diku, i gjalle. Madje ata kane dhe nje apel per t’i drejtuar.

Shpresat e kesja familjeje jane te medha. Ata nuk gjejne qetesi, derisa te takojne serish Armandin.

Top Channel