Masakër në Gjonomadh të Korçës

Ata u vranë, teksa ishin duke pushuar brenda banesës së tyre, nga Bashkim Latollari, autori i dyshuar edhe i dy vrasjeve të tjera, të kryera në të njëjtën ditë.

Krimi i katërfishtë ka ndodhur në fshatin Gjonomadh të Korçës. Policia raporton në rrugë jo zyrtare se, fillimisht, dyshohet të jenë qëlluar, nga 30-vjeçari Bashkim Latollari, çifti Rexhep dhe Valentina Metollari, të dy viktimat 55-vjeçarë, që duket se janë gjetur vetëm nga autori i krimit.

Burimet i thanë Top Channel se autori i ngjarjes së rëndë, pasi ka qëlluar ata, ka ecur në këmbë gati 100 metra, për në banesën e çiftit tjetër, Belimonit dhe Danielës.

Edhe ata i ka vrarë me të njëjtën armë, të tipit pushkë 20 automatike. Belimoni, sipas banorëve, është nipi i viktimës tjetër, Rexhepit.

Pas krimit, autori i katër vrasjeve është nisur drejt qendrës së fshatit, ku dhe ka qënduar në një banesë, thotë policia.

Për arrestimin e tij, mësohet se policia ka negociuar nëpërmjet kryeplakut, duke sjellë kështu edhe vetëdorëzimin e tij, pa pasoja të tjera.

Policia thotë për Top Channel se, motivet e katër vrasjeve mund të konsiderohen banale. Dyshimet paraprake janë për një lidhje mes autorit të krimit dhe Danielës, por policia thotë se ende është në verifikime dhe në marrje deklaratash të banorëve të zonës.

Vet i dyshuari mësohet të ketë deklaruar se e kanë shtyrë në krim edhe thashethemet e fshatit, por policia thotë se marrja e tij në pyetje do të bëhet me praninë e një avokati, për të mësuar versionin përfundimtar.

***

Një masakër e vërtet ka ndodhur mbrëmjen e së martës në fshatin Gjonomadh të rrethit të Korçës.

Katër persona janë vrarë nga një bashkëfshatar i tyre, për motive që ende nuk janë të zbardhura plotësisht.

Çifti i parë është qëlluar për vdekje brenda banesës së tyre. Viktimat janë Rexhep dhe Valentina Metollari, 55 dhe 50 vjeç.

Më pas, autori i dyshuar i krimit të katërfishtë, Bashkim Latollari, ka shkuar në banesën e çiftit tjetër dhe dyshohet se i ka qëlluar ata me të njëjtën armë nga dritaret.

Çifti i dytë i vrarë është Belimon dhe Daniela Meçollari, të dy rreth të 30-ave. Pas kësaj ngjarjeje, autori i vrasjes është paraqitur te kryeplaku i fshatit, të cilit i ka rrëfyer se kishte vrarë 4 bashkëfshatarët e tij.

Policia e Korçës nuk ka dalë ende me një version zyrtar, pasi po merret në pyetje autori i krimit dhe po mblidhen dëshmitë e bashkëfshatarëve. Por, jo zyrtarisht, mësohet se motivi i krimit ka qenë për shkaqe xhelozie.

Autori i krimit dyshohet se ka pasur një lidhje intime me viktimën Daniela Meçollari.

Top Channel