Xhihadistët e huaj, baza në Turqi

Një person që drejton një nga bazat, në afërsi të qytetit-kufi të Rejhanlit, thotë se mbi 150 persona, mes të cilëve 20 britanikë, e kanë përdorur atë në tre muajt e fundit.

“Xhihadistët qëndrojnë këtu për një ose dy ditë para se të kalojnë në
Siri dhe qëndrojnë në rrugën e kthimit, kur presin avionët për t’i
kthyer në mëmëdhe”, deklaron ai.

Rruga përmes Turqisë e përdorur nga xhihadistët e huaj të lidhur me Al Kaedën sa vjen e bëhet më e organizuar. Aktivistët e opozitës thonë se luftëtarët po shkatërrojnë revolucionin sirian.

Një nga këta luftëtarë, nga Franca, thotë për të dërguarin e rrjetit britanik se si ai ka me mijëra, që kanë ardhur nga çdo qoshe e botës. “Ne jemi të gjithë të Al Kaedës”, shprehet ai.

Xhihadisti, dikur student në Francë, thotë se ai i është bashkuar një brigade që kishte rreth 8 mijë vetë. Ai shton se së fundmi brigada ka bërë aleancë me organizata radikale islamike si Shteti Islamik i Irakut dhe Siria e Madhe.

Në vitet e fundit, mijëra luftëtarë të huaj, përfshirë rreth 300 britanikë, kanë shkuar në Siri për të luftuar regjimin e presidentit Assad.

Por opozita e vërtetë thotë se xhihadistët jo vetëm që nuk po luftojnë regjimin, por sistematikisht po sulmojnë lufëtarët e Ushtrisë Çlirimtare Siriane.

Top Channel